Skip to content
  • Thu. May 15th, 2025
  • SUNNAH OF OUR PROPHET
  • THE NOBLE QURAN
  • ISLAM Q&A

Booliska oo war xasaasi ah kasoo saaray arrinta Sheegow

Aug 19, 2023

Muqdisho (Jalalaqsi Online) – Afhayeenka ciidanka booliska Soomaaliyeed, Sadiiq Aadan Doodishe oo shir jaraa’id u qabtay Wariyeyaasha ayaa ka warbixiyay dagaalkii xooganaa ee xalay xaafadda Kaawo Godey ee dgemada Dharkenley ku dhex-maray Janeraal Sheegow iyo ciidamada ammaanka, kaas oo dhaliyay khasaare kala duwan.

Afhayeenka ayaa shaaca ka qaaday in dagaalka uu bilowday, kadib markii ay isku dhaceen ciidamada xasilinta oo howlgal ku jiray kuwa janeraalka oo uu ku tilmaamay maleeshiyaad.

“Ciidanka oo howlgal ku jiray oo shaqo maalmeedkooda wada xaafadda Kaawo Godey ee degmada Dharkenley waxa ay la kulmeen burcad maleeshiyaad ah oo soo weeraray ciidanka, iskuna dayay inay khalkhal-geliyaan” ayuu yiri afhayeenka booliska Soomaaliya.

Sidoo kale wuxuu raaciyay “Ciidankii oo iska caabiyay ayaa dagaalkii sidaas ku billowday oo xaafad dhexdeeda ah, kaas oo sagaalkii subaxnimo ee saaka lasoo afjaray”.

Ugu yaraan 3 askari ayaa ku dhintay dagaalkan oo laba kamid ah ay ahaayeen ciidanka Sheegow, halka midka kale uu ahaa Boolis, waxaana sidoo kale ciidanka amniga ka dhaawacmay 4 kale, mana jiro khasaare soo gaaray rayidka, sida uu xaqiijiyay afhayeenka.

Sadiiq ayaa sidoo kale sheegay in Sheegow uusan hadda ka tirsaneyn ciidamada dowladda, balse uu ahaa sarkaal hore, wuxuuna ku eedeeyay inuu gabaad siin jiray burcadda.

“Shaqsi magaciisa lagu sheegay Sheegow oo ahaaan jiray kabtan ka tirsan ciidanka Xoogga dalka Soomaaliyeed, laakiin maanta aan ka tirsaneyn ayay ciidankaasu gurigiisa joogeen markii lasoo qabtay oo la xiray ayaa shaqsigii wuxuu soo abaabulay ciidankii kaleeto, si uu amnigii iyo xasiloonidii uu khalkhal u geliyo” ayuu mar kale hadalkiisa sii raaciyay.

Afhayeenka ayaa xusay in haatan gacanta lagu soo dhigay Sheegow iyo 25 askari oo kale, kuwaas oo todobo kamid ah ay dhaawacyo yihiin.

“Guud ahaan maxaabiista la haayo waa 25 qof oo todobo ay dhaawac tahay, isagii eedeysane Sheegow iyo 17 kale” ayuu yiri afhayeenka boolisku.

Waxa kale oo uu carabka ku dhuftay in guriga ninkan laga soo qabtay lacagta madow ee sharci darrada ah, isla-markaana lagu horgeyn doono maxkamad, si looga qaado tallaabo.

“Marka gacanta lagu soo dhigay waxaa sidoo kale gurigiisa loogu tegay lacagta madow ee la dhaqo ee iyaduna lid ku ah sharciga” ayuu kusii daray afhayeenku.

                                                                              Jalalaqsi Online

Share this:

  • Click to share on Facebook (Opens in new window) Facebook
  • Click to share on WhatsApp (Opens in new window) WhatsApp
  • Click to share on X (Opens in new window) X

Post navigation

Jeneraal Sheegow oo lasoo qabtay kadib dagaal ka dhacay Muqdisho
Gaari kasoo baxay Degmada Ceelbuur oo lagu rasaaseeyay G/Sh.Dhexe

sidoo kale akhri wararkan

Faah-faahinta qaraxyo caawa ka dhacay MUQDISHO

Apr 28, 2024

Madaxweyne Xasan Sheekh oo war ka soo saaray geerida Xildhibaan Shaacir

Dec 30, 2023

KHADIIJA Maxamed Diiriye oo maanta geeriyootay

Dec 20, 2023

WARAR HORE

Warar

Faah-faahinta qaraxyo caawa ka dhacay MUQDISHO

Apr 28, 2024
Warar

Madaxweyne Xasan Sheekh oo war ka soo saaray geerida Xildhibaan Shaacir

Dec 30, 2023
Warar

KHADIIJA Maxamed Diiriye oo maanta geeriyootay

Dec 20, 2023
Warar

Ciidanka ATMIS oo berri lagala wareegayo amniga Villa soomaaliya

Dec 16, 2023

Proudly powered by WordPress | Theme: Newsup by Themeansar.

  • Home